Football (Coupe de France) - Le CA Bastia se déplacera à Vallières pour le huitième tour
(A redazzioni d'Alta Frequenza) - Oghji à meziornu (marcuri) s'hè fatta a scelta à a sorti di l'ottesimu ghjiru di a Cuppa di Francia, ultima tappa nanzi à i trentaduiesimi di finali è l'intrata di u SC Bastia è di l'AC Aiacciu. U CA Bastia, unicu raprisintanti isulanu inde iss'ottesimu ghjiru andarà à ghjucà in Alta Savoia contr'à l'Etoile Sportive de Vallières, club di Honneur Régional Ligue, l'equivalenti inde issu rughjoni di a settesima divisioni. A partita si tinarà a dumenicata di l'8 di dicembri.
