Football (coupe de France) - Le GFCO Ajaccio peut rentrer dans l'Histoire ce soir
(A redazzioni d'Alta Frequenza) - Ghjocu à ballò, mezi finali di a Cuppa di Francia stasera (marti) pà u Gazélec d’Aiacciu chì accoghja in Timizzolu l’Olympique Lyonnais, 4u di Lega 1. L’Aiaccini chì rializeghjani un parcorsu storicu quantu in campiunatu di Naziunali cà in Cuppa, pruvarani à fà cascà u grandi Liò, da francà l’ultima tappa ver di u Stadiu di Francia, à u mesi di maghju. I « Diavuli Rossi » sunnieghjani di una nova grandi parfurmenza, dopu ad avè battutu à Montpellier à u ghjiru scorsu, fendu buciardà tutti i prunostichi. L’affari pari malgradu tuttu più duru stavolta quì, contr’à visitori chì si misfideghjani di più, è chì volini andà in finali à tutti i patti. Da u cantu corsu, Dominique Veilex pudarà cuntà nant’à un gruppu sanu, cù u ritornu di i cinqui ghjucadori suspesi a settimana scorsa in campiunatu. U Stadiu François-Coty sarà senza dubbitu carcu, da sustena à l’Aiaccini, è parmetta li di scriva appena di più a storia di u ballò corsu.
Écoutez Dominique Veilex, le coach du GFCOA.
