Football (Coupe de la Ligue) - L'AC Ajaccio en déplacement à Troyes
(A redazzioni d'Alta Frequenza) - Sicondu ghjiru di a Cuppa di a Liga stasera (marti) à 8 ori pà i dui clubs prufiziunali aiaccini. Prima l'ACA, chì ferma annant'à dui vittorii di fila in campiunatu, hà da andà ind'è u leader di Liga 2, Troyes. I Bianchi è Rossi, chì ùn ani mai campatu daveru una storia d'amori cù a cuppa, pruvarani à cambià ssa sorti quì vincendu inde l'Aube. Un scopu pà u club di u presidenti Orsoni di fassi rimarcà in bè in ssa cumpetizioni chì aldilà di l'aspettu spurtivu hè assai intarissanti à u nivellu finanziariu. Pà ssu scontru, Christian Bracconi duvaria cambià appena u so effettivu, fendu entra elementi chì ùn ani micca ghjucatu assai par avà.
Steti à senta l'intrenori di l'ACA, Christian Bracconi.
