Football (Coupe de la Ligue) - Le CA Bastia éliminé aux tirs au but contre Auxerre (0 tab à 3, 1-1 a.p.)
(A redazzioni d'Alta Frequenza) - Pà u sicondu ghjiru di a Cuppa di a Liga, dopu à a seenza di i penaltys, u CA Bastia, chì avia fattu un risultatu à paru contr'à Auxerre 1-1, hà persu trè penaltys à zeru. I cabisti ani principiatu cù putenza ssa partita quandu, sirvutu bè, Guidala hà pisatu u so ballò pà fà una bella acrubazia è batta à Boucher à a settesima minuta. Duranti una bella mità di u prima tempu, i bastiacci ani duminatu u scontru contr'à visitori micca troppu in forma. Ma à pocu à pocu, quissi quì si sò rivultati è ani fattu cappià u CAB ghjustu nanzi à a fin di u prima tempu grazia à Bouby. Dopu à a pausa, Auxerre hà cunfirmatu a so maestria, cù parechji uccasioni contr'à un CAB chì hà tinutu ma chì hà straziatu pà andà di fronti. Dui volti, i visitori ani toccu i piottuli di Pichot, ma à a fin di u tempu rigulamentariu, i dui squadri erani sempri à paru. Duranti i prulungazioni, s'è u prima tempu hà vistu u CAB ritruvà appena di forza, u sicondu hè statu piuttostu pà Auxerre, ma quì dinò, mancu una rialisazioni hè stata scritta, lachendu a piazza à a seenza di i penaltys. Ed hè andata propiu in furia postu chì Auxerre hà riisciutu tutti i so provi mentri chì u CAB hà vistu tutti i soi arristati da Boucher.
Steti à senta à Christian Bracconi, l'intrenori cabistu.
