Football : espace visiteurs fermé pour les deux prochains matches du SC Bastia à l'extérieur
(A redazzioni d'Alta Frequenza) - A cumissioni di disciplina hà fattu cunnoscia a so sintenza cuncirnendu a meza finali di a Cuppa di a Liga Monacu - SC Bastia induv'ellu era rimpruvaratu à u Sporting l'invasioni di u tarrenu da i so sustenidori à a fin di u scontru è l'adopru di fumigeni par asempiu. U Sporting hè statu cundannatu à una sarratura pà dui partiti di u locu riservatu à i visitori in Liga 1, vali à dì chì nisun sustenidori bastiacciu sarà accittatu ind'a parti visitori di u stadiu duranti i spiazzamenti di u Sporting in Montpellier è in Liò in campiunatu. In più di què, u SC Bastia hè statu cundannatu à pagà 45 000 auri d'amenda, accumpagnata da un'antra amenda di 15 000 auri chì currispondi à un'attimpera chì ricolla à una sanzioni più anziana. Ssi dicisioni sò i soli ind'u quadru di ssu cartulari, vali à dì chì a LFP ùn hà micca cacciatu punti o cundannatu u Sporting pà i so scontri in casa. Malgradu tuttu, u club bastiacciu duvarà neguzià, ghjovi chì veni, u cartulari bullenti di a partita Bastia - Nizza, chì hà dighjà inghjinnatu una suspensioni di manera cunservatoria di u stadiu Armand Cesari.
Sur le même sujet
