Football - GFCA en Ligue 1 : le président Tagliaglioli parle du plus beau jour de sa vie
(A redazzioni d'Alta Frequenza) - U GFC Aiacciu ind'i stelli ! L'Aiaccini entrini in fatti in un mondu novu, quillu di a Liga 1, dopu a so vittoria ssu vennari à sera in Mezavia contr'à Niort, 3-2. Un successu acquistatu grazia à un duppiettu di Tshibumbu (19ima è 32ima minuti) è una rialisazioni di Filippi à a 51ima, mentri chì i visitori aviani riduttu dui volti u scartu à a 47ima è à a 54ima. Trè punti chì assicureghjani dunqua u Gazélec d'essa u terzu club corsu di a storia à cullà in prima divisioni francesi, à una ghjurnata di a fini di una staghjoni straurdinaria ! A gioia è a scimizia ani invaditu u stadiu di Mezavia à a fini di u scontru. Una cullata chì ricumpensa u travaghju di tuttu un gruppu, è ghjucadori chì ani luttatu fin'è a fini pà pruvà à cuncretizà un sonniu di menu in menu scemu i sittimani passendu. Si risintia dunqua una vera emuzioni, è s'ellu c'hè calchissia chì n'hà cunnisciutu una mansa duranti ssu scontru, era bè u presidenti d'unori di u GFCA, Fanfan Tagliaglioli.
Steti à senta à Fanfan Tagliaglioli, in lingua corsa.
Sur le même sujet
