Football - Le GFCA reçoit Bourg-en-Bresse, l'ACA va à Laval, le CAB à Boulogne-sur-Mer
(A redazzioni d'Alta Frequenza) - Ripresa di i campiunati prufiziunali ssu vennari à sera à 8 ori cù a 31esima ghjurnata di Liga 2. U GFC Aiacciu, 9esimu, ricevi u 12esimu Bourg en Bresse. Senza avè persu dipoi u principiu di l'annata civili in Mezavia, i ghjucadori di Jean Luc Vannuchi sperani di cuntinuà cusì pà riescia u scopu di buscassi a piazza a più alta pussibuli in a classifica da quì à a fini di a staghjoni. Pà contu soiu l'AC Aiacciu, 13esimu, và ind'è l'ultimu Laval. Battuti largamenti duranti a partita in Timizzolu, l'Aiaccini devini pighjà a so rivincita in Mayenne è pudariani assicurà, d'una manera guasgi ufficiali, u so mantenimentu stasera cù una vittoria, à l'alba d'una seria di scontri difficiuli. Infini in Naziunali, u CA Bastia, 12esimu, ghjucarà nant'à u tarrenu di u 6esimu, Boulogne sur Mer. I cabisti, chì ani fattu una bella partita contr'à u leader a simana passata in casa, sarani ubligati à dassi torna di rimenu pà pighjà u più punti pussibuli in u so scopu di mantenasi, tuttu què contr'à una furmazioni chì ùn hà micca persu a spiranza di cullà in Liga 2.
