Football - Le SC Bastia jouera bien en Ligue 1 la saison prochaine
(A redazzioni d'Alta Frequenza) - Ssu vennari, u Sporting Club di Bastia hè statu intesu da a Cumissioni d'Appellu di a DNCG, dopu a falata di u Sporting in Liga 2 prunuziata parechji sittimani fà. Dopu à un'audizioni assai longa di i dirighjenti bastiacci, a Cumissioni d'Appellu hà dicisu d'integrà torna u Sporting Club di Bastia in Liga 1. Ferma oramai à rilancià u marcatu chì pudaria veda u club cumprà o fassi impristà ghjucadori cù indennità di trasferimenti, fendu casu à tempu à a massa di i paghi, survighjata da a DNCG à 90%, è ci hà da vulè à ricunquistà a cunfidenza di una parti di i sustenidori, tocchi da ss'episodiu. Una ricunquista chì pudaria principià in furia cù u ritornu di Guillaume Gillet. Quissu quì, chì s'intrena cù u so club d'Anderlecht dipoi a ripresa, avaria trovu dipoi parechji ghjorni un accordu cù i dirighjenti bastiacci par ingaghjassi cù u Sporting pà trè anni. Postu ch'ella ùn c'hè più a minaccia di a DNCG, u Sporting pudarà neguzià oramai cù Anderlecht pà pighjà di manera difinitiva u mezu internaziunali belgu.
Sur le même sujet
