Football (Ligue 1) - Alphonse Areola devrait être prêté au SC Bastia
(A redazzioni d'Alta Frequenza) - U Sporting Club di Bastia avaria trovu u so guardianu ? Stavolta, par in tutti i casi ch'ellu sarà bonu da quì à calchì ora. Alphonse Areola, campionu di u mondu di i menu di vinti anni cù a squadra di Francia in u 2013 duvaria essa impristatu da u Parighji Saint Germain. Ssu guardianu di 21 anni duvia ghjucà a staghjoni chì veni di Liga 1 cù u RC Lens, cù quali hè cullatu fendu una bella staghjoni, ma di pettu à l'incertezzi assai impurtanti cuncirnendu a prisenza di u club nurdistu in Liga 1 a prossima staghjoni, Alphonse Areola è u PSG avariani dicisu di risponda di manera pusitiva à i chjami di Claude Makélélé, l'intrenori di u Sporting chì s'hè ghjuvatu di i so liami sempri assai forti ind'u club di a capitali. Cunsidaratu com'è u rimpiazzanti à mezu andà di Salvatore Sirigu ind'i gabbii parighjini, Alphonse Areola hà ghjucatu solu dui volti cù u PSG in Liga 1 dui staghjoni fà, ma u so titulu di campionu di u mondu di i menu di vinti anni è a so staghjoni assai bella cù Lens facini pinsà chì u Sporting pudaria fà un colpu billissimu.
Sur le même sujet
