Football (Ligue 1) - Brandao rejoint le SC Bastia
(A redazzioni d'Alta Frequenza) - L'ufficialisazioni duvaria intarvena da quì à calchì ora, ma ssu marti da mani, l'attaccanti bresilianu di l'AS Saint Etienne, Brandao, hà bè firmatu un cuntrattu di dui anni cù u SC Bastia, chì hà truvatu dunqua u rimpiazzanti di Djibril Cissé com'è puntellu di l'attaccu bastiacciu. Cù un attaccanti di 34 anni, u Sporting faci torna una volta a scumessa di a sparienza. U so prufilu d'attaccanti chì movi cù un pesu fisicu impurtanti parmetti à i so cumpagni di l'attaccu d'essa più libari ind'i so muvimenti contr'à l'avversarii. Ma ancu à 34 anni, ss'ultimu hà fattu un'ultima staghjoni piena ind'u Forez, cù ottu rialisazioni in trenta partiti, è t'hà un billissimu palmarès, cù un titulu di campionu di Francia in u 2010 cù Marseghja, trè tituli di campionu d'Ucraina duranti u so passaghju à u Chaktior Dontesk è trè cuppa di a Liga. Pà ciò chì tocca à Djibril Cissé, cù una partenza guasgi sicura par via di i so prublemi fisichi chì pudaria renda più faciuli a ghjunta d'altri ghjucadori, com'è u difensori argentinu Renato Civelli, u cartulari hè cumplessu, sfarenti porti asistini in fatti, ma par avà, ùn ci n'hè alcuna chì si pudaria cuncretizà trà u club è u so ghjucadori.
Sur le même sujet
