Football (Ligue 1) - Cruel scénario pour le SC Bastia défait par Lille (1-2)
(A redazzioni d'Alta Frequenza) - U Sporting Club di Bastia hà persu di manera inghjusta 1-2 contr'à u LOSC Lille. Una partita chì hà principiatu nant'à una fisiunumia assai equilibrata, u Sporting, ind'un schema tatticu propiu scarsu, avendu ancu i più belli uccasioni manchendu pocu di scriva a prima reta. Dopu, issa piccula duminazioni bastiaccia s'hè stallata, è essendu pocu periculosi finalmenti fora di un tiru di Khazri chì hà toccu a barra à manca di Elana à a 31a minuta, Lille purtendu par contu soiu quantunqua u periculu nant'à certi azzioni chì ani ubligatu un bunissimu Landreau à intarvena. È dopu à a pausa, Bastia hà fattu cambià l'affari à lestra, Khazri scrivendu una reta nant'à un tiru magnificu di diciottu metri à a 47a minuta. Una rialisazioni chì hà vistu dopu una duminazioni chì hà fattu chì ci sò stati parechji cambiamenti in Lille in furia parmittendu li di rimetta issu scontru à paru, Roux manchendu l'egualisazioni à a 70a nant'à un errori di a difesa. I visitori ani cuminciatu à rinvircià l'affari nant'à un tiru assai putenti di Digne à l'85a, eppo quissì quì si sò buscati a vittori nant'à una reta di Basa inde l'ultimi minuti. Dopu à issa partita, u Sporting perdi una piazza è passa tredicesimu, cù solu sei punti in più oramai di pettu à a zona rossa.
Écoutez l'entraîneur bastiais, Frédéric Hantz.
Sur le même sujet
