Football (Ligue 1) - Décéption pour le SC Bastia défait par Nice (0-1)
(A redazzioni d'Alta Frequenza) - U ritornu in Furiani davanti à 14 500 sustenidori sarà statu mancatu finalmenti pà u Sporting Club di Bastia, battutu da l'OGC Nizza, 1-0. È di manera glubali, i bastiacci ani fattu una partita tranquilla, chì s'ella hè bastata par avè una piccula duminazioni ind'u primu tempu contr'à nizzardi bè urganizati è cumbattivi, ùn pudia micca annunzià affari boni. Issu falsu ritimu hà cuntinuatu dopu à a pausa, mentri chì i nizzardi ani alzatu u so nivellu di ghjocu, apprufittendu di parechji disturbi è di una mancanza d'energia da u cantu bastiacciu par avè uffensivi assai periculosi. Ed hè nant'à una di quissi chì Maupay, bè sirvutu da Abriel, hà scrittu una reta à a 60a minuta, una reta fora di ghjocu ma accittata quantunqua. È dopu à què, u Sporting ùn hà più viaghjatu, ùn truvendu micca i suluzioni pà egualizà. Dopu à issa partita, i bastiacci sò quatordicesimi cù trè punti d'avanza nant'à a zona rossa.
Ecoutez l'entraîneur bastiais, Frédéric Hantz.
