Football (Ligue 1) - Défaite logique pour le SC Bastia face à Rennes (0-2)
(A redazzioni d'Alta Frequenza) - U Sporting Club di Bastia, esiliatu in Gueugnon pà riceva u Stade Rennais ind'u quadru di a 21a ghjurnata di Lega 1, hà persu di manera logica 2-0. I ghjucadori bastiacci ùn sò micca riisciuti à entra ind'a so partita, essendu sempri duminati da una squadra brittona chì ùn hà micca ghjucatu à u so nivellu u più bonu ma chì hà sappiutu essa ghjustu è ammaistrà l'affari. Bastiacci troppu losci pà pudè avè uccasioni veri, una mancanza impurtanti d'energia chì hà toccu dinò a difesa bastiaccia, chì hà lacatu calchì volta troppu spazii à i so avversarii. Rennes n'hà apprufittatu, Alessandrini pighjendu un ballò nant'à un centru di Feret pà scriva una reta à a 33a. À l'ora di ghjocu, è què malgradu una piccula rialzata dopu à a pausa, Erding, ben sirvutu da Makoun assicurava u successu brittonu. Trè minuti nanzi à a fini di a partita, mentri chì i spiranzi bastiacci erani dighjà piatti sottu à a nevi di a Bourgogne, Modeste hà fiascatu un penalty uttenutu dopu à una manu di M'Vila. Una disfatta malgradu tuttu senza cunsiquenza à u nivellu di a classifca, postu chì u Sporting ferma 13u cù sei punti in più di pettu à a zona di rilegazioni.
Ecoutez l'entraîneur bastiais Frédéric Hantz.
Sur le même sujet
