Football (Ligue 1) - Défaite rageante pour le SC Bastia a Metz (1-3)
(A redazzioni d'Alta Frequenza) - Seiesima ghjurnata di Liga 1 nera pà u SC Bastia chì hà persu 3-1 in Metz. À principiu, a partita era abbastanza equilibrata, ma dopu à quatordeci minuti è dopu un tiru annant’à a barra di Tallo, Krivets hà apprufittatu di un sbagliu di a difesa pà batta à Aréola cù un bellu tiru. Dopu à un tempu difficiuli di una decina di minuti, i bastiacci sò partuti torna di fronti è dopu à un bellu centru, Ayité hà mandatu cù putenza u ballò ind’i gabbii di Metz à a 42ima. Dopu à a pausa, ed hè stata una surpresa, u Sporting s’hè lacatu andà cù eccessi di cunfidenza chì ani fattu cappià una difesa bastiaccia micca troppu in forma quandu annant’à un ballò passatu dopu à una penalità da luntanu, Milan l’hà ripresu cù un’acrubazia pà u 2-1. U Sporting, mancu appena pruduttivu, ùn s’hè mai più rialzatu dopu à ssa rialisazioni, a difesa cappiendu torna una volta à a 75ima quandu annant’à un centru, Falcon hà battutu solu à u puntu di penalty Aréola. U SC Bastia hè oramai 18imu è prima squadra ind’a zona rossa cù sei punti.
Steti à senta a riazzioni di l’intrenori bastiacciu, Claude Makélélé.
Sur le même sujet
