Football (Ligue 1) - Défi de taille pour le SC Bastia qui reçoit Lyon
(A redazzioni d'Alta Frequenza) - Ssu sabbatu à 5 ori, u SC Bastia, quindicesimu, ricevi Liò, terzu di u campiunatu di Liga 1 pà a 14ima ghjurnata. Un'uppusizioni difficiuli aspetta u Sporting, postu chì dopu à un principiu di staghjoni cumplicatu, i visitori fermani annant'à novi partiti senza perda, purtati da una ghjuventù tremenda, cù par asempiu Lacazette o Ferri. Ind'è i bastiacci, i quindeci ultimi ghjorni sò stati cunsacrati à l'appruntera di a partita d'oghji, cù sequenzi di travaghju hè vera sfarenti ma tutti inghjiru à ssu scopu. Ghislain Printant, l'intrenori bastiacciu chì vedi u so eserciziu pruvisoriu prulungatu à u minimu pà una partita torna, teni a so voglia di dà ondi pusitivi à u so gruppu, ancu s'è à u nivellu di a mutivazioni, hè sempri più faciuli di truvà i parolli prima di ghjucà contr'à una squadra maiò. Senza cascà inde l'autogistioni, i quadri di u gruppu sò missi à cuntribuzioni pà fà passà i missaghji à un gruppu torna toccu ma chì ricolla. Pà ssa partita, Maboulou volta ind'u gruppu pà rimpiazzà à Cissé.
Steti à senta à Ghislain Printant, l'intrenori di u Sporting.
Sur le même sujet
