Football (Ligue 1) - Dennis Oliech (Auxerre) arrive à l'AC Ajaccio
(A redazzioni d'Alta Frequenza) - U marcatu di i trasferimenti cumencia à mova infini da u cantu di l'AC Aiacciu. In fatti, u situ ufficiali di u club annunzia stasera (dumenica) chì un attaccanti hà da ghjunghja in principiu di settimana ind'a cità Imperiali pà rimpiazzà u bresilianu Eduardo, chì appruntarà i so valisgi à a fin di u mesi pà ritruvà a so tarra. È issu ghjucadori si chjama Dennis Oliech, internaziunali di a selezzioni di u Kenya di 27 anni, ghjuchendu à l'AJ Auxerre, club falatu in Lega 2 annu fà. Ghjuntu in u 2006 in Nantes da u Qatar, duva ellu hà principiatu a so carriera, Oliech hà fattu setti staghjoni in Lega 1 è dui à u nivellu sottu, pà guasgi 35 reti scritti. Hà participatu dinò à scontri di Lega di i Campioni cù Auxerre. Duvaria ghjunghja marti in Aiacciu pà firmà u so cuntrattu cù a furmazioni corsa.
Sur le même sujet
