Football (Ligue 1) - Déplacement ardu pour le SC Bastia à Lille
(A redazzioni d'Alta Frequenza) - Ssa dumenica, à 5 ori, u Sporting Club di Bastia, 12u di Lega 1, andarà à ghjucà nant'à u tarrenu di u Lille LOSC, terzu di u campiunatu, pà a 18a ghjurnata. Una partita chì duvaria essa propiu difficiuli pà u Sporting contr'à una squadra chì ancu s'ella hà compiu una seria longa di scontri senza perda, è pà u so guardianu senza incascià reti, dumenica scorsa in Bordeaux, ma chì t'hà una difesa di farru è chì hè a sola squadra chì hà riisciutu à suvità u ritimu infernali di u Parighji Saint Germain è di Monacu ind'i primi posti di a classifica. Ind'u Sporting, ancu s'ellu si sà chì sarà cumplicatu, ci sarà quantunqua a voghja di buscà si una prima vittoria fora di Furiani sta staghjoni, una vulintà chì si risenti in tuttu u gruppu. Romaric è Cahuzac sò suspesi, pà un postu di mezu di tarrenu difensivu propiu indebbulitu, mentri chì certi com'è Bruno, Khazri, Sablé è Boudebouz ùn sò micca sicuri di pudè essa prisenti.
Steti à senta à Frédéric Hantz.
Sur le même sujet
