Football (Ligue 1) - Derby ACA-SCB : "jouer avec son cœur, ses tripes, et sa tête", selon Alex Dupont
(A redazzioni d'Alta Frequenza) - Più di setti anni chì i sustenidori aiaccini è bastiacci aspittavani di ritruvà i gioii di un derby corsu in Lega 1. Sarà fatta dumani (dumenica) quandu chì à 2 ori, l'arbitru zifularà u principiu di u scontru trà l'AC Aiacciu è u Sporting Club di Bastia. Un stadiu colmu, cù più di 3000 turchini prisenti in Timizzolu, è una bella battaghja vucali chì s'annunzia contr'à i sustenidori aiaccini. Una supremazia isulana chì ci vularà à difenda ma dinò un aspettu numericu chì ùn ci vularà micca à sminticà. In fatti, dopu à 8 ghjurnati di campiunatu, i dui clubs sò vicini vicini, cù un solu puntu di scartu, à prò di i bastiacci. Vali à dì chì s'è una squadra duvia vincia issa partita, quissa quì rializaria una bella uparazioni à a classifica. Da u cantu di l'ACA, ognunu vularà richjappà si di a disfatta di Lille nanzi à l'arretta internaziunali, è di ùn perda micca nant'à i so lochi. Un'appruntera appena difficiuli pà issu derby, di pettu à l'assenza di parechji ghjucadori internaziunali, cù l'ultimi chì sò vultati ind'a cità Imperiali solu in mità di settimana. À u nivellu di u gruppu, Alex Dupont t'avarà pussibilità larghi pà sceghja u so ondici, malgradu l'assenzi di Lasne è Saad (feriti) è di Belghazouani (suspesu).
Écoutez l'entraineur ajaccien, particulièrement fier et impatient de disputer cette rencontre.
