Football (Ligue 1) - Derby SC Bastia - AC Ajaccio : la réaction d'Albert Emon
(A redazzioni d'Alta Frequenza) - U Sporting Club di Bastia hà vintu u derby corsu contr'à l'AC Aiacciu issu sabbatu à sera in Furiani, ind'u quadru di a 27a ghjurnata di Lega 1, una reta à zeru. Una reta intarvinuta à a 47a minuta grazia à un'incapata di Maoulida, bè sirvutu da Cioni, chì hà battutu u guardianu aiaccinu Ochoa. I bastiacci sò riisciuti à gistiscia a so avanza fin'è a fini, mentri chì l'aiaccini, frà altru ind'u primu tempu, pariani assai intimuriti, essendu periculosi davanti à i gabbii di Landreau solu nant'à i penalità è i corners. Da nutà à l'80a minuta, una spulsioni piuttostu sivera da u cantu aiaccinu di Chalmé, dopu à una siconda carta gialla. À l'ultima minuta di issu scontru, hè Oliech chì hè statu sclusu da l'arbitru dopu à un inticciu cù u guardianu bastiacciu. Un'azzioni chì hà fattu nascia baruffi nant'à u tarrenu, è chì hà inghjinnatu i spulsioni d'André da u cantu aiaccinu, eppo di Rothen è Thauvin pà i bastiacci. Dopu à issu scontru, u Sporting ripassa davanti à l'ACA à a classifica, cù 30 punti contr'à 29, ogni squadra avendu oramai di modu respettivu sei è cinqui unità in più di pettu à a zona rossa.
Ecoutez la réaction de l'entraîneur ajaccien, Albert Emon.
Sur le même sujet
