Football (Ligue 1) - Derby SCB - ACA : l'avant-match du côté ajaccien
(A redazzioni d'Alta Frequenza) - Stasera (sabbatu) à 8 ori in Lega 1, ind'un stadiu Armand Cesari tracarcu, u Sporting Club di Bastia hà da riceva l'AC Aiacciu pà un derby assai aspittatu. Sustenidori di una squadra farani svintulà banderi bianchi è turchini mentri chì quilli di un'antra farani mova sciarpi rossi è bianchi. È a voghja sarà cumuna ind'i dui partiti : buscà si a vittoria pà dui raghjoni. A prima si trova inde u ricordu di u scontru in Aiacciu assai sarratu chì avia sbuccatu nant'à un risultatu à paru. L'amatori di ballò, i ghjucadori è i staffs ùn volini più riveda un spettaculu simuli issu sabbatu. È a siconda chì di una certa manera vena à cumplittà a prima si trova fighjendu a classifica, i dui squadri battendu si pà u so mantinimentu in Lega 1. Da u cantu aiaccinu, u scopu sarà di ùn micca perda in Furiani prima di tuttu. I ghjucadori d'Albert Emon, firmendu nant'à una disfatta in casa contr'à Lille, pruvarani à neguzià di a più bella manera iss'appuntamentu chì t'hà un gustu propiu particulari pà i sustenidori, ma ancu pà tutti i ghjucadori isuani di l'effettivu aiaccinu. À u nivellu di u gruppu, Mutu è Diawara sò sempri assenti, mentri chì Benjamin André hè di ritornu.
Ecoutez l’entraîneur ajaccien, Albert Emon.
