Football (Ligue 1) - Des supporters du SC Bastia en colère ont manifesté leur mécontentement
(A redazzioni d'Alta Frequenza) - A disfatta di u SC Bastia contr'à Evian hà da lacà tracci. In fatti, subbitu dopu à a partita, una cinquantina di sustenidori bastiacci hè andata davanti à l'intrata di u stadiu pà fà cunnoscia a so scuntintezza maiò contr'à i dicisioni di l'arbitru è a situazioni di u club. Fendu risunà parechji canti contr'à l'arbitri è a situazioni spurtiva è interna di u club, quissi quì ani brusgiatu rumenzuli dopu, blucchendu duranti un tempu longu a surtita di i ghjucadori è di l'arbitri.
