Football (Ligue 1) - Dure défaite pour le SC Bastia face à Valenciennes (2-3)
(A redazzioni d'Alta Frequenza) - U Sporting Club di Bastia s'hè tiratu una balla ind'u pedi, eccu ciò chì si pò dì dopu à a disfatta più cà amara in casa di i bastiacci contr'à Valenciennes, 3-2. Nant'à i sissanta primi minuti, u Sporting hà rializatu una bona partita, o ancu assai bona par mumenti contr'à visitori chì si misfidavani. È mentri chì à a 18a minuta, Bastia duvia uttena un penalty pà una manu di Mater ind'i 16 metri, sò l'avversarii chì nant'à un contru ani scrittu a prima reta cù Kadir à a 31a. Dodici minuti dopu, dopu à una falta nant'à Khazri, Modeste egualizava nant'à un penalty. Ind'u sicondu periudu, u Sporting era riintrutu cù i stessi boni intenzioni chì ani pagatu in fini di contu, Palmieri, ben sirvutu da Maoulida, dendu u vantaghju à u Sporting à a 62a. Hè à partasi da quì chì u cullettivu s'hè sfattu, è quissu quì hà cappiatu prima à a 77a nant'à un billissimu tiru di Kadir dopu à una perdita di u ballò da Sans, eppo dui minuti dopu par via di Dossevi, apprufittendu di un novu sbaghju difensivu chì hà datu di manera difinitiva a vittoria à i nurdisti. Dopu à issu scontru, u Sporting t'hà solu quattru punti d'avanza di pettu à a prima squadra ind'a zona di rilegazioni.
Ecoutez l'entraîneur bastiais, Frédéric Hantz.
Sur le même sujet
