Football (Ligue 1) : Fabrizio Ravanelli démis de ses fonctions à l'AC Ajaccio
(A redazzioni d'Alta Frequenza) - "Era a me ultima partita cù l'AC Aiacciu, u club m'hà smessu di i me funzioni". Eccu i parolli di Fabrizio Ravanelli stasera (sabbatu) dopu à a pristazioni catastrofica di a so squadra contr'à Valenciennes (1-3) in Timizzolu. Stavolta, ci semi, l'intrenori talianu di l'AC Aiacciu si ni và, cù una sola vittoria dipoi u principiu di a staghjoni. I risultati assai pessimi di a squadra dipoi ch'ellu hà presu i so funzioni avarani dunqua mandatu l'intrenori ver di a surtita. I dirighjenti aiaccini ani annunziatu dopu chì una cunfarenza di stampa sarà data luni, à 10 ori, ind'i lucali di u club, pà fà un puntu nant'à a situazioni. U presidenti Alanu Orsoni, spera di truvà un "intrenori chì si pudissi scriva ind'u tempu". Un affari chì ùn hè più accadutu à l'ACA dipoi a partenza d'Olivier Pantaloni. U direttori di u centru di furmazioni, Christian Bracconi, assicurarà l'interim.
Steti à senta à Fabrizio Ravanelli, oramai ecchisi intrenori di l'AC Aiacciu.
Sur le même sujet
