Football (Ligue 1) - Gaël Danic et Giovanni Sio devraient s'engager avec le SC Bastia
(A redazzioni d'Alta Frequenza) - U Sporting Club di Bastia s'hà da mova infini nant'à u marcatu di i trasferimenti. In fatti, u club bastiacciu avaria trovu un accordu cù dui ghjucadori pà pudè rinfurzà u so settori uffensivu. U prima hè Gaël Danic. U mezu uffensivu à manca di 33 anni, passatu pà Troyes, Lorient è soprattuttu Valenciennes, ùn si sarà mai impostu in Liò induv'ellu era statu trasferitu in principiu di staghjoni scorsa. Quissu quì hà sciappatu u so cuntrattu cù ssu club è si duvaria ingaghjà pà un annu è mezu cù u Sporting. Un antru ghjucadori sarà prisenti in Bastia pà ssa dumenicata pà l'ultimi furmalità di a so ghjunta, vali à dì l'attaccanti ivorianu di u FC Bâle Giovanni Sio. Quillu chì fistighjarà da quì à pocu i so vintisei anni hà dighjà cunnisciutu parechji clubs, com'è u FC Sion, Wolfsburg in Alimagna o u FC Sochaux. A so staghjoni ùn si passa micca troppu bè in Bâle in ssu mumentu. Duvaria raghjunghja in furia u Sporting, u scopu essendu di pudè falli ghjucà in Monacu marcuri pà i mezi finali di a Cuppa di a Liga.
Sur le même sujet
