Football (Ligue 1) - Ghislain Printant sera l'entraîneur du SC Bastia jusqu'à la fin de la saison
(A redazzioni d'Alta Frequenza) - U Sporting Club di Bastia hà annunziatu ssu ghjovi dopu meziornu chì Ghislain Printant, chì era in postu di manera pruvisoria dipoi a partenza di Claude Makélélé, hè statu numinatu intrenori fin'è a fini di a staghjoni. S'ellu paria chì Printant ùn vulia micca troppu assicurà ssa rispunsabilità à longu andà à principiu, avia pricisatu malgradu tuttu ch'ellu firmaria u tempu ch'elli vulariani ch'ellu stessi i dirighjenti à u capu di a squadra. Di fattu, aspittendu forsa di truvà un aghjuntu novu pà aiutallu, u SC Bastia duvarà pagà 10 000 auri d'amenda ad ogni partita à partasi di u principiu di dicembri, postu chì Ghislain Printant ùn hà micca u so diplomu di u DEPF, ubligatoriu pà pudè fà ssu mistieru ind'u mondu prufiziunali. Ma i boni risultati è l'ambienti assai pusitivu ind'u gruppu bastiacciu ani purtatu i dirighjenti di u Sporting à cunfirmallu ind'i so funzioni. Inveci, ùn hè più direttori di u centru di furmazioni.
Sur le même sujet
