Football (Ligue 1) - Guillaume Gillet veut découvrir un grand championnat avec le SC Bastia
(A redazzioni d'Alta Frequenza) - À mezu à i ghjunti di u SC Bastia duranti ssu marcatu cù muvimenti numarosi, c'hè l'internaziunali belgu Guillaume Gillet, impristatu pà una staghjoni da Anderlecht cù un'uzzioni par essa cumpratu da u Sporting. À 30 anni, ss'ultimu pò ghjucà in difesa ma dinò à u mezu di tarrenu, ed era torna a staghjoni scorsa u capitanu di a squadra belga. S'è u nomu ùn hè micca straurdinariu, u so CV è u so prufilu ni facini un elementu impurtanti, pà essa titulariu com'ellu l'hà dimustratu duranti i scontri di priparazioni chì n'ani dighjà fattu un ghjucadori di prima trinca à u mezu di tarrenu. Pari ch'ellu sighi filici d'avè raghjuntu u Sporting è aspetta cun impazienza u principiu di u campiunatu pà pudè ghjucà contr'à i più grandi squadri di Liga 1, è t'avarà l'uccasioni di mustrassi ghjustu appuntu cù a ghjunta di Marseghja è u spiazzamentu in Parighji duranti i dui primi ghjurnati.
Steti à senta à Guillaume Gillet.
