Football (Ligue 1) - Hervin Ongenda prêté au SC Bastia par le Paris Saint-Germain
(A redazzioni d'Alta Frequenza) - Eccu ni dui ! L'ultimu ghjornu di u marcatu d'istati hè statu riccu à u SC Bastia, postu chì dopu a ghjunta cù un'imprestitu è un'uzzioni par essa cumpratu dopu di l'attaccanti internaziunali congolesi Benjamin Mokulu da u club belgu di u FC Malines, u Sporting arrighjistreghja a ghjunta di un antru attaccanti, sempri impristatu ma senza uzzioni quì, quilla di Hervin Ongenda, ghjunghjendu da u Parighji Saint Germain. À 19 anni, hè cunsidaratu com'è unu di i ghjucadori d'avvena di u PSG, hà ghjucatu sei partiti a staghjoni scorsa cù u club di a capitali in Liga 1. Si pinsava à a so ghjunta dipoi parechji sittimani, u ghjucadori avendu fattu sapè a so voglia di ritruvà à Claude Makélélé, l'intrenori bastiacciu è anzianu aghjuntu à u PSG, ma era stata rimandata parechji volti, par asempiu par via di l'incidenti trà Brandao è Thiago Motta.
Sur le même sujet
