Football (Ligue 1) - Jacques Faty signe au SC Bastia
(A redazzioni d'Alta Frequenza) - Com'è l'annunziavami dighjà arimani (marcuri), Jacques Faty, ghjucadori francesi è senegalesi di 29 anni, fratellu di u mezu di tarrenu di l'AC Aiacciu, Ricardo Faty, hà firmatu un cuntrattu di sei mesi cù u Sporting Club di Bastia. Passatu pà Rennes, duva ellu hè statu furmatu, Marseghja è Sochaux, Jacques Faty hà participatu à 215 scontri di Lega 1 ind'a so carriera prima d'andà ind'u club turcu di Sivasspor d'istati di u 2011, squadra duva ellu hà vulsutu compia u so cuntrattu più prestu cà privistu. Issa terza ghjunta di u marcatu d'inguernu, dopu à Landreau è Beauvue, ùn sarà micca l'ultima da u cantu di u Sporting Club di Bastia chì duvaria arrighjistrà ni un'antra à u minimu, quilla di un difensori laterali.
