Football (Ligue 1) - L'AC Ajaccio chute à Lille (2-0)
(A redazzioni d'Alta Frequenza) - L'AC Aiacciu hà persu stasera (sabbatu) in Lille, dui à zeru, pà l'8a ghjurnata di Lega 1. Malgradu un bon primu periudu, l'Aiaccini ani cappiatu prima à a 42a minuta, nant'à un'incapata di Roux. Dopu à a pausa, i ghjucadori d'Alex Dupont ani fattu parechji sforzi, chì ùn sò micca bastati pà inchietà i Nurdisti. Iss'ultimu ani duppiatu l'affari d'altrondi, di manera inaspittata, à a 56a, nant'à un tiru di Mendes. Lille si rilancia dunqua cù issa vittoria contr'à l'ACA, chì ùn sarà mai riisciutu à disturbà daveru i so avversarii. Cù issa scunfitta, i Rossi è Bianchi falani à u 13u postu, cù 9 punti à a classifica. Prossimu appuntamentu, è chì appuntamentu, sarà a dumenica u 21 d'uttrovi in Timizzolu, pà u derby isulanu contr'à u Sporting Club di Bastia, dopu à una piccula arretta internaziunali.
Ecoutez le défenseur ajaccien, Carl Medjani, au micro de la chaîne BeIn Sport.
