Football (Ligue 1) - L'AC Ajaccio espère se relancer à Toulouse
(A redazzioni d'Alta Frequenza) - In Lega 1, spiazzamentu propiu difficiuli pà l'AC Aiacciu in Toulouse, chì hà da ghjucà stasera à 8 ori (sabbatu) contr'à u TFC. Dopu à una disfatta a settimana scorsa contr'à l'Olympique de Marseille, pirdendu di fattu a so invincibilità in Timizzolu chì curria dipoi guasgi un annu, l'Aiaccini pruvarani com'elli poni di rilancià si ind'a Garonne. L'affari s'annunziani piuttostu cumplicati, contr'à una squadra classificata à u quatriesimu postu, è chì custituisci, d'appressu à l'intrenori aiaccinu, unu di i valori sicuri di issu campiunatu. À u nivellu di gruppu, parechji assenzi postu chì Cavalli, Mutu è André sò suspesi, mentri chì Jemal hè feritu pà contu soiu. Inveci, si pò nutà u ritornu à l'attaccu d'Eduardo, chì ùn hè più suspesu oramai. Un puntu à u minimu saria u benvinutu pà l'ACA, chì t'hà solu trè unità di più di pettu à u primu à essa ind'a zona di rilegazioni, Evian. Alex Dupont chì aspetta d'altrondi di a so furmazioni una riazzioni, dopu à dui scontri à u gustu più cà amaru.
Écoutez l'entraîneur ajaccien.
Sur le même sujet
