Football (Ligue 1) - L'AC Ajaccio et Toulouse se neutralisent (1-1)
(A redazzioni d'Alta Frequenza) - U novu intrenori di l'AC Aiacciu, Christian Bracconi, s'hè buscatu u so primu puntu nant'à u tarrenu di u Toulouse FC, l'aiaccini fendu un risultatu à paru 1-1, pà a 13a ghjurnata di Lega 1. L'aiaccini ani principiatu ssa partita di una bella manera, scrivendu ancu a prima reta à a 7a minuta grazia à una rialisazioni magnifica di Lasne. Dopu l'ACA hà subitu assai, Toulouse mittendu di più in più prissioni à u nivellu uffensivu; sforzi ricumpensati à a 42a minuta cù l'egualisazioni di Sylla. U risultatu hè firmatu cusì senza cambià mai più, i corsi firmendu bè urganizati malgradu l'attacchi numarosi di l'omi d'Alain Casanova, cù una bella sulidarità. Un bon puntu pà l'aiaccini chì riescini à sciappà a gattiva dinamica di quattru disfatti di fila intrattinuta duranti l'epica corta di Ravanelli. À a classifica, l'ACA hè 19u cù 8 unità, vali à dì sempri trè di menu di pettu à a prima squadra fora di a zona rossa. Ci hè oramai un'arretta internaziunali, nanzi u ritornu di a Lega 1 da quì à quindeci ghjorni, cù a ghjunti di l'Olympique di Marseghja in Timizzolu.
Steti à senta l'intrenori aiaccinu, Christian Bracconi, in cunfarenza di stampa.
Sur le même sujet
