Football (Ligue 1) - L'AC Ajaccio obtient le nul contre Toulouse (2-2)
(A redazzioni d'Alta Frequenza) - 31a ghjurnata di Lega 1, l'AC Aiacciu s'hè buscatu u puntu di u risultatu à paru ssu sabbatu à sera in Timizzolu contr'à Toulouse, 2-2. L'aiaccini ani scrittu a prima reta à a 4a minuta grazia à Faty cù un'incapata dopu à una penalità da luntanu d'André, prima di scriva ni un'antra à a 34a cù Tallo. Trè minuti dopu, Sylla hà riduttu u scartu pà i visitori. Dopu à un primu tempu duminatu da u TFC, i dibattiti sò stati più equilibrati duranti u sicondu. I ghjucadori d'Alain Casanova sò riisciuti ad egualizà cù un tiru magnificu di Chantôme à a 61a minuta. Da nutà à l'ultima minuta un penalty pà Toulouse chì hè statu arristatu da u guardianu messicanu Ochoa, chì hà rializatu una partita straurdinaria. L'ACA hè dunqua propiu cuntentu stasera, mentri chì Toulouse pò avè veri rigretti. Pà a ghjurnata chì veni, i corsi ghjucarani contr'à Marseghja u vennari u 4 d'aprili à u stadiu Vélodrome.
Steti à senta a riazzioni di l'intrenori aiaccinu, Christian Bracconi, dopu à ssa partita.
