Football (Ligue 1) - L'AC Ajaccio obtient le point du nul contre Montpellier (1-1)
(A redazzioni d'Alta Frequenza) - Pà l'ottesima ghjurnata di Lega 1, l'AC Aiacciu s'hè buscatu u puntu di u risultatu à paru ssa dumenica dopu meziornu contr'à Montpellier, à u stadiu François Coty, 1-1. I visitori ani scrittu a prima reta, à a 10a minuta, grazia à un penalty cuncessu da u ghjovanu Goncalves cù a manu, pighjendu si di u colpu una carta rossa; penalty trasfurmatu da u numaru 10 natu in Aiacciu, Rémi Cabella. Ma i ghjucadori di Fabrizio Ravanelli, ancu puru ridutti à deci contr'à ondeci, ùn ani micca cappiatu, ciò chì hà viaghjatu à a 36a minuta, Zubar egualizendu cù un'incapata dopu à una penalità da luntanu tirata da Cavalli. Appena nanzi à a pausa, Montpellier hà vistu dinò unu di i so ghjucadori sclusu, dopu à una siconda carta gialla. Malgradu una vera duminazioni corsa duranti u sicondu tempu, è parechji uccasioni, l'affari ùn sò più cambiati. Una bona uparazioni pà l'ACA chì, nant'à i so dui partiti di a settimana, hà presu quattru punti nant'à sei pussibuli; u scopu dumandatu da u coach aiaccinu hè dunqua statu riisciutu. À a classifica, u club di u presidenti Orsoni hè 16u cù 7 unità; una cosa bona prima d'andà in Lille sabbatu chì veni, un viaghju chì s'annunzia difficiuli.
Ecoutez l'entraîneur ajaccien, Fabrizio Ravanelli.
Sur le même sujet
