Football (Ligue 1) - L'AC Ajaccio rate le coche face à Valenciennes (1-1)
(A redazzioni d'Alta Frequenza) - L'AC Aiacciu ùn hà micca pussutu fà meghju cà un risultatu à paru in Timizzolu issu sabbatu à sera contr'à Valenciennes, 1-1, ind'u quadru di a 21a ghjurnata di Lega 1. Ind'un primu tempu duva i Nurdisti ammaistravani piuttostu u ballò, sò l'aiaccini eppuru chì ani scrittu a prima reta à a meza ora di ghjocu, grazia à l'internaziunali rumenu Adrian Mutu. Ind'a siconda parti, i ghjucadori d'Albert Emon ani ghjucatu in superiorità numerica à partasi di a 64a minuta, dopu à a sculsioni d'Angoua da u cantu di VA, nanzi d'uttena dui minuti dopu un penalty. Penalty riisciutu da Mutu una prima volta, ma chì ci vulia à ritirà postu chì ghjucadori sò intruti troppu in furia ind'u locu ditarminatu. A siconda prova di u rumenu, una panenka, hè stata arristata par disgrazia da u guardianu visitori furmatu ind'u SC Bastia, Nicolas Penneteau. È com'è una punizioni guasgi subbitu è in più, l'ACA hà incasciatu appena dopu una reta à a 69a, par via di u ghjovanu N'Guette, parmittendu à Valenciennes di rivena. I sforzi rializati dopu sarani firmati vani finalmenti pà i corsi, chì ani mancatu quì una bella uccasioni di dà si appena d'aria à a classifica. L'isulani sò 16i, à dui punti di u primu club ind'a zona rossa.
Ecoutez l'entraîneur ajaccien, Albert Emon.
Sur le même sujet
