Football (Ligue 1) - L'AC Ajaccio se refait une santé à Toulouse (2-4)
(A redazzioni d'Alta Frequenza) - Una partita cumplettamenti scema cù un risultatu finali incridibuli dinò ! Eccu comu si pudaria qualificà u scontru di issu sabbatu à sera chì hà vistu l'AC Aiacciu batta à Toulouse 4-2. Eppuru l'affari aviani mal cuminciatu, cù un auto goal di Lippini à a 4a minuta, dopu à un disaccordu cù Memo Ochoa. L'aiaccini ùn sò micca scuragiti malgradu tuttu, com'è Sammaritano chì à a 16a hà egualizatu. I ghjucadori d'Alex Dupont ùn si sò micca piantati quì postu chì Belghazouani, grazia à un bellu pressing di Diarra nant'à a difesa di Toulouse, hè riisciutu à ghjucà si è à batta u guardianu lucali. Dopu à a pausa, è malgradu una duminazioni di l'omi d'Alain Casanova, l'ACA hà apprufittatu di i spazii maiò lacati da a difesa di l'avversariu, frà altru nant'à i contri. 67a, Diarra faci piecà à Ahamada cù un picculu ponti magnificu, dopu à una bella apartura di Belghazouani. U novu internaziunali maruccanu chì hà rializatu d'altrondi un duppiettu, cù una nova reta à a 92a, mentri chì i lucali aviani riduttu u scartu vinti minuti prima. Una billissima uparazioni postu chì l'ACA hè oramai 12u cù 14 punti in dodici scontri ghjucati, à quattru unità di a prima squadra ind'a zona di rilegazioni. A riazzioni chì Alex Dupont aspittava di a so furmazioni hè dunqua accaduta, pà u so più grandi piacè. Prossimu scontru, sabbatu chì veni in Timizzolu contr'à un cuncurrenti direttu, Sochaux.
Ecoutez Carl Medjani, le défenseur de l'AC Ajaccio, au micro de BeIn Sport.
Sur le même sujet
