Football (Ligue 1) - La victoire à tout prix pour l'AC Ajaccio à Rennes
(A redazzioni d'Alta Frequenza) - Ultimu scontru fora di i so lochi di a staghjoni 2012-2013 pà l'AC Aiacciu chì si spiazza stasera (sabbatu) in Rennes, pà a 37a ghjurnata di Lega 1. L'aiaccini, chì fermani nant'à una disfatta di i più amari contr'à Troyes, duvarani dà si daveru di rimenu in Brittagna pà buscà si à tutti i patti i trè punti di a vittoria, pà essa sicuri di firmà in prima divisioni stasera, è schisà u mantenimentu a settimana chì veni in Timizzolu contr'à Nizza, candidatu à a corsa à l'Auropa. Contr'à ellin, una squadra di Rennes chì ùn hà più nulla à ghjucà ma chì ci voli à survighjà, è chì sarà intrenata pà l'ultima volta nant'à u so tarrenu da Frédéric Antonetti, chì compii u so cuntrattu in fin di staghjoni. À u nivellu di u gruppu, Chalmé hè sempri suspesu è Bouhours sempri feritu. I ghjucadori d'Albert Emon, chì straziani dipoi parechji partiti, sò stati missi davanti à i so rispunsabilità issa settimana, frà altru da u presidenti Alanu Orsoni. Ognunu si devi senta cuncirnatu più cà mai pà sperà di cunnoscia una sorti pusitiva, com'è a dici l'intrenori di l'ACA, Albert Emon.
Ecoutez-le.
