Football (Ligue 1) - Le derby, début d'un nouveau cycle pour le Sporting Club de Bastia
(A redazzioni d'Alta Frequenza) - Più di setti anni chì i sustenidori aiaccini è bastiacci aspittavani di ritruvà i gioii di un derby corsu in Lega 1. Sarà fatta dumani (dumenica) quandu chì à 2 ori, l'arbitru zifularà u principiu di u scontru trà l'AC Aiacciu è u Sporting Club di Bastia. Un stadiu colmu, cù più di 3000 turchini prisenti in Timizzolu, è una bella battaghja vucali chì s'annunzia contr'à i sustenidori aiaccini. Una supremazia isulana chì ci vularà à difenda ma dinò un aspettu numericu chì ùn ci vularà micca à sminticà. In fatti, dopu à 8 ghjurnati di campiunatu, i dui clubs sò vicini vicini, cù un solu puntu di scartu, à prò di i bastiacci. Vali à dì chì s'è una squadra duvia vincia issa partita, quissa quì rializaria una bella uparazioni à a classifica. Da u cantu bastiacciu, si pruvarà à cunfirmà i belli affari visti dipoi dui ghjurnati, cù u risultatu à paru in Nizza è a vittoria contr'à Troyes quindici ghjorni fà. È à l'arringuerciu di l'ACA, u Sporting hà pussutu appruntà issu scontru ind'i più boni cundizioni, l'infirmeria essendu si ancu sbiutata duranti iss'arretta internaziunali, ciò chì lacarà una scelta larga à u coach bastiacciu Frédéric Hantz pà custituiscia u so gruppu. Frédéric Hantz chì t'hà d'altrondi un parè più prammaticu nant'à issu derby.
On l'écoute.
Sur le même sujet
