Football (Ligue 1) - Le GFC Ajaccio défait par Troyes (2-3)
(A redazzioni d'Alta Frequenza) - Disfatta nova pà u GFC Aiacciu, chì hà persu ssu sabbatu à sera in Mezavia contr'à l'ultimu di a Liga 1, Troyes, 3 à 2. Eppuru, l'Aiaccini aviani scrittu a prima rialisazioni à a prima minuta, grazia à Zoua. Ma i visitori ani trovu i risorzi pà cambià a sorti, scrivendu trè reti in un tempu, grazia à Ben Saada (8ima) è à un duppiettu d'Azamoum (36ima è 43ima minuta). Dopu un prima tempu micca famosu, u GFCA s'hè rivultatu duranti u sicondu attu cù una rialisazioni di Filippi nant'à un corner cù un'incapata à a 57ima minuta. Andendu di fronti senza piantà, i ghjucadori di Thierry Laurey ùn sò micca stati abbastanza pricisi pà pudè vultà à parità. Pà a prima volta dipoi un pezzu, u Gazélec, chì ùn hà ancu vintu in campiunatu in u 2016, si ritrova 18imu è prima squadra nentru a zona rossa, à dui punti di a surtita di quissa quì.
Steti à senta à Thierry Laurey, l'intrenori di u GFCA.
