Football (Ligue 1) - Le GFC Ajaccio s'incline sans rougir à Paris (2-0)
(A redazzioni d'Alta Frequenza) - Ùn c'hè micca statu miraculu pà u GFC Aiacciu ssa dumenica à sera annant'à u tarrenu di u Parc des Princes, induv'ellu hà persu contr'à un Parighji Saint Germain chì hà gistitu propiu bè u scontru, 2-0, pà a siconda ghjurnata di Liga 1. L'Aiaccini ani incasciatu a so prima rialisazioni à l'11a minuta dopu à un ballò persu da a difesa, Matuidi n'hà apprufittatu prima di tirà cù forza è di batta à Maury. U PSG ùn s'hè micca fattu prigà pà duppià a so avanza deci minuti dopu annant'à un corner, Thiago Silva mandendu di manera putenti u ballò ind'i gabbii corsi. Malgradu tuttu, u GFCA ùn hè micca statu ridiculu, mancu appena, risistendu bè à l'assalti parighjini ma essendu à tempu micca troppu periculosi à u nivellu uffensivu. I ghjucadori di Thierry Laurey, chì ùn ani nisun raghjoni di vargugnassi, s'approntani à ritruvà u so stadiu di Mezavia sabbatu chì veni, pà a ghjunta d'Angers. U GFCA hè oramai 17imu, cù un puntu.
Steti à senta à Rodéric Filippi, capitanu è difensori di u GFCA, intarrugatu da Canal +.
Sur le même sujet
