Football (Ligue 1) - Le grand chantier du petit poucet GFC Ajaccio
(A redazzioni d'Alta Frequenza) - Hè principiatu più di un mesi fà u cantieru maiò pà u GFC Aiacciu, chì hà da scopra l’8 d’aostu, pà a prima volta di a so storia, a prima divisioni francesi di ballò. Aldilà di a custruzzioni di a squadra, ch’è no amintaremi in i nostri nutiziali chì venini cù l’intrenori di u GFCA – chì hà prulungatu da un’antra banda u so cuntrattu di dui anni – hè tutta a parti chì ùn tocca micca u sport chì cunnosci oghji mutazioni prufondi. Cù un bughjettu di guasgi 14 millioni d’auri, u club u più chjucu di a Liga 1 hà dighjà fattu investimenti impurtanti pà i travaghji di u so stadiu Ange Casanova, di quali hè pruprietariu oramai, par asempiu pà fà crescia a so capacità d’accolta, pà passà da 3 000 à guasgi 5 000 piazzi. Arrimbendusi soprattuttu à benevulenti, a mascina Gazélec hè stata rinfurzata da a ghjunta di parsunali amministrativi in più, una necessità à ssu nivellu quì. Cambiamenti maiò ch’ellu ci prisenta Olivier Miniconi, presidenti dilegatu di u GFC Aiacciu.
U stemi à senta.
Sur le même sujet
