Football (Ligue 1) - Le SC Bastia à Nantes pour remonter la pente
(A redazzioni d'Alta Frequenza) - Ssu sabbatu à sera à 8 ori in u stadiu di a Beaujoire, u FC Nantes ricevi u SC Bastia pà a quindicesima ghjurnata di Liga 1. Un spiazzamentu ind'è una squadra chì faci pinsà propiu à u Sporting di l'annati Hantz in Liga 1, vali à dì una squadra partuta pà una staghjoni senza surpresi è micca putentissima ma capaci certi volti di fà piacè à u so publicu sfughjendusi annant'à una furmazioni chì manca di cunfidenza. A squadra bastiaccia, tocca à u nivellu murali da a disfatta di dumenica duranti u derby contr'à u GFCA è par via di u so postu ind'a zona rossa, pari custituiscia una vittima ideali. Ben intesu, i ghjucadori com'è l'intrenori dicini chì ssa sittimana hà parmissu di rinviviscia i parsoni è i menti, ma a verità di u tarrenu sarà a sola chì cuntarà, com'è sempri. Kamano è Djiku, feriti dipoi un pezzu, sò raghjunti da Diallo chì hè in longu sughjornu guasgi dinò ellu, è da Squillaci.
Steti à senta à Ghislain Printant, l'intrenori di u SC Bastia.
Sur le même sujet
