Football (Ligue 1) - Le SC Bastia à Reims pour se ressaisir
(A redazzioni d'Alta Frequenza) - Issa dumenica à 2 ori, u Sporting Club di Bastia, 12u di u campiunatu, andarà in Reims, 16u. Una partita trà dui clubs surtiti subbitu da a cuppa di Francia, u Sporting da un club di Naziunali è Reims da un antru di CFA. Lucali chì sò nant'à a falata iss'ultimi settimani, postu ch'elli ùn ani più guadantu in campiunatu dipoi più di dui mesi. Ma da un'antra banda, fermani nant'à trè scontri senza disfatta in casa soia. Una sfida più cà cumplessa malgradu tuttu pà u Sporting, chì ghjucarà u so terzu scontru inde una seria di setti fora di i so lochi in campiunatu, è buscà si un risultatu à paru ùn saria micca finalmenti una gattiva uparazioni. Pà issa partita, i bastiacci ùn pudarani micca cuntà torna una volta nant'à Cahuzac, chì duvaria vultà solu pà l'ultimi mumenti di a staghjoni, nant'à Khazri è Yatabaré, tramindui prisenti à a Cuppa d'Africa di i Nazioni. Ma calchì ritornu hè da nutà pà u Sporting, com'è quilli di Modeste, Palmieri è Angoula, chì ùn sò più suspesi, è di Rothen, chì ùn hè più feritu. Infini Mickaël Landreau sarà pà a prima volta ind'i gabbii bastiacci.
On écoute l'entraîneur bastiais Frédéric Hantz qui fait aussi état de statistiques intéressantes.
Sur le même sujet
