Football (Ligue 1) - Le SC Bastia ambitieux avant le déplacement à Lens
(A redazzioni d'Alta Frequenza) - Stasera (sabbatu) à 8 ori in u stadiu de la Licorne d'Amiens, u SC Bastia, 14imu di Liga 1, và ind'è u 19imu, Lens, pà a 23ima ghjurnata. È ancu s'è u club cunnosci difficultà finanziari gravi chì facini ch'ellu ùn pò micca fà u so marcatu, u RC Lens è u so intrenori Antoine Kombouaré ùn volini cappià nulla pà ciò chì tocca i so cunvizzioni è a so voglia da quì à a fin di a staghjoni, ciò chì rindarà u travaghju di u Sporting difficiuli. Ci voli à dì chì trà i feriti d'Ayité è di Maboulou, è una CAN di più in più longa pà Tallo è Kamano, u settori uffensivu à dispusizioni di l'intrenori bastiacciu hè torna una volta indebbulitu. Ma quì dinò, ancu s'è a meza finali di a Cuppa di a Liga marcuri in Monacu cumencia à essa prisenti assai ind'i menti, l'impurtanza di neguzià com'ellu ci voli dui partiti in una sittimana contr'à cuncurrenti diretti hè stata bè missa in valori da l'intrenori bastiacciu Ghislain Printant.
Steti à senta à Ghislain Printant.
