Football (Ligue 1) - Le SC Bastia assure l'essentiel en gagnant contre Evian (2-0)
(A redazzioni d'Alta Frequenza) - Pà a quindicesima ghjurnata di Lega 1, u SC Bastia hà vintu 2-0 contr'à Evian Thonon Gaillard senza dà si troppu di rimenu. Ind'u primu tempu, u Sporting hà duminatu piuttostu u scontru avendu micca troppu uccasioni veri eppuru par via di sbaghji tennichi numarosi, passi mancati è una seria di gattivi scelti, mentri chì Evian hè statu periculosu nant'à contri, mittendu ancu à cuntribuzioni u talentu immensu di u guardianu Bastiacciu Mickaël Landreau, chì cù Jean Luc Ettori, t'hà u numaru u più impurtanti di partiti ghjucati in Lega 1, 602. Ma dopu à a pausa, u Sporting s'hè cappiatu in furia quandu nant'à un centru di Khazri passatu à mezu à a difesa di i visitori, Krasic hà ripresu à l'intrata di i diciottu metri u ballò nant'à un tiru à rasu di tarra lindu battendu à Hansen à a 49a minuta. Dopu à ssa reta quì, u Sporting hà cunfirmatu a so duminazioni, i ghjucadori d'Evian, attivi duranti calchì minuta dopu à a rialisazioni di Krasic, essendu vultati cù i so contri famosi, menu putenti cà duranti u primu tempu. È ancu s'è u Sporting s'hè ritrovu di manera prugressiva ind'i so difficultà, avendu di guai à gistiscia a so avanza magra, i visitori sò stati troppu molli pà apprufittà ni. È à a fin di u scontru, nant'à un bellu numaru parsunali, Khazri hà chjosu u successu. U Sporting, cù 22 punti, ricolla à l'ottesimu postu di u campiunatu ed hè à dui picculi punti di u cinquesimu, Saint Etienne.
Steti à senta l'intrenori bastiacciu, Frédéric Hantz, dopu à a partita.
Sur le même sujet
