Football (Ligue 1) - Le SC Bastia commencera avec des duels contre Marseille et le PSG
(A redazzioni d'Alta Frequenza) - I calendarii di i campiunati di Liga 1 è Liga 2 sò stati publicati da a Liga di Ballò Prufiziunali. È u SC Bastia, u solu raprisintati di a Corsica in prima divisioni oramai, hà da cunnoscia un principiu di campiunatu assai putenti. In fatti, à partasi di a prima ghjurnata duranti a dumenicata di u 9 d'aostu, u SC Bastia hà da riceva l'Olympique di Marseghja pà un derby assai caldu. Ci voli à dì ch'ella hè a prima volta dipoi a so ricullata in Liga 1 chì u Sporting ghjucarà in casa soia. A sittimana dopu, u spiazzamentu di i ghjucadori di Claude Makélélé sarà assai assai diffiucli, postu chì u Sporting andarà à u Parc des Princes par essa cunfruntatu à i stars di u Parighji Saint Germain, l'ultimu campionu. Com'è scontri di prima trinca pà i sustenidori bastiacci, si pò ritena a ghjunta di Lens a dumenicata di u 13 di sittembri pà a cinquesima ghjurnata, di Monacu a dumenicata di u 25 d'uttrovi, di u PSG a dumenicata di u 10 di ghjinnaghju pà a vintesima ghjurnata, di Nizza quilla di u 7 di marzu pà a vint'ottesima ghjurnata è di Saint Etienne a dumenicata di u 2 di maghju pà a 35ima ghjurnata.
Sur le même sujet
