Football (Ligue 1) - Le SC Bastia conclut sa saison par un nul face au FC Nantes (0-0)
(A redazzioni d'Alta Frequenza) - In Furiani ssu sabbatu à sera, Frédéric Hantz, l'intrenori di u SC Bastia, hà dittu addiu à u club, cù ss'ultima partita ghjucata in turchinu contr'à u FC Nantes, cù un risultatu à paru 0-0 senza chì u Sporting pudissi cuncretizà a so duminazioni. I bastiacci compiini dicesimi di ssa staghjoni di Liga 1 cù 49 punti. Frédéric Hantz hè statu largamenti sciaccamanatu è cantatu da un publicu chì rigretta assai a so partenza. Un umaghju hè statu resu dinò à Mickaël Landreau, chì compii a so carriera cù un 618u scontru di Liga 1, calcosa mai vistu, è à Julien Sablé, chì parti dinò ellu à a ritirata. Oramai, ci vularà à ricustruiscia, cù un staff novu à truvà in furia fendu à tempu a scelta bona, è parechji ghjucadori à rimpiazzà par via di u numaru impurtanti di fin di cuntratti è ritorni d'imprestiti. U capitulu di quattru anni magnifichi dipoi 2010 cù Frédéric Hantz s'hè chjosu cù un focu d'artifiziu.
Steti à senta l'intrenori bastiacciu, Frédéric Hantz.
