Football (Ligue 1) - Le SC Bastia doit ramener un résultat de Guingamp
(A redazzioni d'Alta Frequenza) - Pà a dodicesima ghjurnata di Liga 1, u SC Bastia, diciottesima, và ind'è l'ultimu Guingamp. Nanzi à un scontru cusì impurtanti, hè u sintimu di prudenza chì hè maestru. Prudenza par via di u nivellu ch'elli pudarani dimustrà i bastiacci contr'à una squadra chì duvaria essa rivultata dopu à a so scunfitta vargugnosa a sittimana scorsa contr'à Nizza, è què malgradu i ritorni di Cahuzac, Squillaci è Peybernès. Prudenza dinò par via di l'ambienti assai stranu inghjiru à u club cù un'impressioni scema, chì Claude Makélélé sighi smessu di i so funzioni in casu di gattivu risultatu, senza essa troppu sicuri malgradu tuttu postu chì u cumitatu direttori di u SC Bastia ferma zittu è mutu annant'à ssu cartulari, o in tutti i casi mancu appena pricisu. Un ambienti rinfurzatu da i parolli di Claude Makélélé in cunfarenza di stampa chì certi pudariani apparagunà à una missa in croci di u so effettivu ma dinò à un disaccordu parziali à u minimu pà ciò chì tocca a pulitica di u club, parchì d'appressu à ellu, solu dodeci ghjucadori t'ani u nivellu di a Liga 1, par via, par asempiu, di un marcatu chì li pari essa statu mezanu.
Steti à senta à Claude Makélélé.
Sur le même sujet
