Football (Ligue 1) - Le SC Bastia espère reprendre pied contre Bordeaux
(A redazzioni d'Alta Frequenza) - Pà a quindicesima ghjurnata di Liga 1, u SC Bastia, diciassettesimu, ricevi i Girondins de Bordeaux, seiesimi, stasera à 7 ori. È dopu à un bunissimu risultatu à parità in Nizza, hè ghjunta l'ora pà u Sporting di falla finita cù a seria nera di setti partiti senza vincia in Liga 1, vittoria chì i bastiacci ùn ani più cunnisciutu dipoi u 24 di sittembri è u successu contr'à Guingamp in casa. Una necessità vera, postu chì cù a vittoria in Lille arisera, u Sporting hè oramai à parità in tarmini di punti cù Nancy, prima squadra in a zona rossa. François Ciccolini ùn pudarà micca cuntà nant'à Enzo Crivelli, par via di un puntu di u so cuntrattu d'imprestitu da l'avversarii di stasera, ma ritrova in difesa à Alexander Djiku, dispunibuli dopu essasi troncu l'avambracciu calchì simana fà.
