Football (Ligue 1) - Le SC Bastia fait le point sur les abonnements et les procédures en cours
(A redazzioni d'Alta Frequenza) - I dirighjenti di u Sporting Club di Bastia ani fattu u puntu nant'à dui sughjetti chì intaressani assai i sustenidori, a campagna d'abbunamentu è comu avanzani i pruceduri diversi. À u nivellu di l'abbunamenti, u club t'avia ssu luni à sera 10 350 abbunati. Basta d'avè torna solu dui centu è trenta abbunati pà batta u sciffru u più impurtanti di a so storia di a staghjoni scorsa, i ghjenti chì ùn sò ancu à fà la si devini mova nanzi à luni chì veni pà avè una scelta di piazzi più impurtanti. In fatti, i piazzi vinduti à partasi da luni pà a partita contr'à l'Olympique de Marseille ùn pudarani più essa dati pà l'abbunamenti, è què ancu s'è a campagna andarà fin'è u 21 di sittembri, u ghjornu di ssu scontru. L'altru sughjettu trattatu era quillu di i pruceduri davanti à l'istanzi spurtivi. Prima, pà ciò chì tocca a sanzioni di partita senza publicu in cuntinenti accaduta par via di u derby SCB - ACA di u 2 di marzu scorsu, u club hà dumandatu una riunioni davant à u CNOSF, chì sarà urganizata da quì à pocu. Eppo, nant'à l'affari Nantes - Bastia, a LFP darà a so dicisioni ssu marcuri, ciò chì parmittarà à u Sporting di sapè s'è i trè punti di a vittoria li sarani dati.
On écoute Mathieu Cesari, l’un des dirigeants du SCB.
