Football (Ligue 1) - Le SC Bastia gagne avec le cœur son duel face à Nice (1-0)
(A redazzioni d'Alta Frequenza) - Ind'un Furiani in bullori, u SC Bastia hà battutu l'OGC Nizza 1-0 cù i trippi. U Sporting hà duminatu subbitu contr'à nizzardi pocu ispirati, calcosa chì si virificheghja fora di i so lochi, ma i sfarenti corsi bastiacci ùn davani nulla, i gesti essendu micca pricisi quandu s'avvicinavani da a gabbia. Mentri chì fin'è tandu erani pochi l'uccasioni veri, à a 36a, nant'à un corner di Boudebouz, Squillaci hà scrittu una reta cù una bella incapata. U sicondu tempu ricuminciava nant'à u listessu ritimu, cù un Sporting ancu di più attivu cà Nizza ma cunniscia sempri i listessi difficultà uffensivi. À l'ora di ghjocu, a fisiunumia di a partita duvia cambià cù a sclusioni di Bruno pà un pedi altu nant'à Pejcinovic à a 58a. Di logica, i Bastiacci, in inferiorità numerica ani cuminciatu à subiscia u ghjocu inveci di fà lu. È parechji volti, i nizzardi sò passati vicini à l'egualisazioni, Bastia essendu salvu grazia à un grandi Mickaël Landreau. U Sporting hà bè tinutu aspittendu chì l'affari divintessini à paru à u nivellu numericu à l'86a cù a sclusioni di Traoré in Nizza. Cù quindeci punti, u Sporting ricolla à l'ondicesimu postu di ssu campiunatu di Lega 1.
Steti à senta l'intrenori bastiacciu, Frédéric Hantz.
